أجمل قصائد الشعر الشعبي العراقي عن الحزن

أرقى أشعار العراق الشعبية الحزينة

يعتبر الشعر أحد أبرز الوسائل للتعبير عن مشاعر الإنسان وأحاسيسه العميقة؛ حيث يسكب الشاعر فيه ما يجول في قلبه من حب، حزن، اشتياق، وفرح. ولكل بلدٍ شعر شعبي يتميز بلهجته الخاصة، ويتضمن الشعر الشعبي العراقي الذي يعرف بجمال لغته وعاطفته الصادقة. في هذا المقال، نقدم لك مجموعة من أجمل الأشعار الحزينة التي تعكس التجارب الإنسانية في العراق:

قصيدة “شكد انتظرتك تحجي وما حجيت”

شكد انتظرتك تحجي وما حجيت

فات العمر كله وما شفت ردك

سمعت هواي كالولي مشتاك

وهالكلمة بحياتي ما سامعها منك

كالوا ذوله الناس سألوا عليك هواي

بس هذا الوحيد اللي ما سأل عنك

تدري إنت وتعرف بيه كلش زين

شيصير بحالي من ابتعد عنك

وشيصير بحالي يوم من ما يمر طاريك

أتذكر الماضي بلكت بلحظة أشتمك

بلكت بالغلط أسمعه منك يوم

شلونك شنو أحوالك وشلون صحتك

أصبِّر الروح وأقرر لازم أنساك

وأرجع مو بيدي والله وبالغصب أرجعلك

افهمني

افهمني أترجاك كافي عاد أرجوك

موحته العيون حلفت ما غفت بعدك

دست جروح كلبي وكلتله أنساه

جاوبني الكلب كلي مو كيفك أشحدك

لماذا، لماذا طريقنا طويل مليء بالأشواك

لماذا بين يدي ويديك سرب من الأسلاك

لماذا حين أكون هنا تكون أنت هناك

وإذا قبروني واندفنت

مر شمال إن كان ودك تمر

مر على قبري وشووف محلّه

وإن كان ودّك عند قبري تصلي

واليّا دعيت ودمعت عيونك

قول اجمعني به يا رب العالمين

جسد كلاه الدود وصلك يبله

أريد أصرخ وأسمع الناس عن اللي بينج وبيني

جمعنا الشوق صار سنين وفي النهاية تخونيني

وأنا الذي ما غمضت عيني بعشرتك مساهرة عيني

أناديك بتوالي الليل وأصيح هم تحبيني

يجاوبني الصدى بقولي أحبك يا نظر عيني

صرت بيدك غصن ذابل وبصحراء زرعتيني

وعايش باقي بالحسرات ولو قطرات تسكيني

وهذا الحد الذي وصلته معك وأترجى أعذريني

قصيدة “شلون أصبر”

غيابك حبيبي شلون أصبر الروح

يا حال اللي يظل على حالي من تروح

جرحك بالكلب داويته بس ما طاب

وبطاري السفر زيدت قلبي جروح

ما أنساك لو سافرت عشر سنين

وشوكت ما ترد باب القلب مفتوح

يمك إنت وأحس بيك بعيد

وأبد ما فكرت يجي يوم مني تروح

صحيح إني كتلك سوي كلشي تريد

بس على البعد كلتلك هذا ما مسموح

النفس إنت الأشمة ولو تروح شلون

شلون تريد أعيش بلاك

وإنّي أشتاق لك من إنت موجود

من تبتع أظل لصبح ما أنام

وإذا ما تصدك نجوم السما شهود

أموت آني بغيابك لمن تروح

لأن حبك بكلبي ماله حدود

يوم التسافر احجز لشخصين

لأن مية بالمية وياك قلبي ايروح

وشما تبتعد خليه دوم وياك

أحس ما يظل بروحي إلا مذبوح

شي يبقالي بحياتي وإنت ما موجود

بس هم وأذيه وألم وجروح

رسمك كمت أشوفه من أغمض العيون

ولو يعمي عيوني ما أظنه يروح

ما أريد أحضنك لو صار الوداع

لأن من أهدك تطلع الروح

عشقتك وأدري أتعب بحبك

رضيت بقسمتي وملهوفة تدريني

أريد أكضي العمر وياك

تدري إنت بغيابك حيل تؤذيني

عيني لما تشوفك تنعمي وللدوام

لأن إنت حبيبي فرحة سنيني

تعال وخلني أضمك حيل يهواي

قصيدة “بعد لا تسأل علي وبعد ما أسأل عليك”

بعد لا تسأل علي وبعد ما أسأل عليك

بعد مالك غرض بيه وبعد مالي غرض بيك

بعد إيدك عن إيديه مو قليل اللي صار بيه

إنت من إيدك جبتها سوالفك عمت علي

إنت مو يمي أحسك ما يهمك غير نفسك

إنت مو مثلي تعاني ما تحبني إنت أناني

ماكو داعي وياك أبقى يجوز عندك محب ثاني

ماكو داعي المن أجيك بعد مالي غرض بيك

أعترف جنت أنا أحبك وسهرت لجلك ليالي

ردت أحط كلبي على كلبك لجن كلبك طلع خالي

أنا دايخ بيك أهمن وإنت جدًا لا أبالي

كلبي من عرقة شلعتة عود شايف روحك إنت

أكو واجد من حلاتك وبيهم أحلى من صفاتك

صح حلو وتخبل إنت وهو مو كل حلو زين

روحي تشبك على روحك وفرق عن شبك الإيدين

بشوفتك خلصت عيني وكمت أحس ما عندي عين

وياك أبقى مستحيل لازم أختار البديل

إذا لازم أنسحب بلكي أشوفلي محب

وإنت بلكي تشوف غيري وتنسعد يا ابن الحلال

وبلكي تدخل قفص ثاني وتشوف بيه راحة البال

راح أكلك روح عني وبعد ما أكلك تعال

ماكو داعي نضل سوية مو شبعنا من الأذية

شوف حالك واستراح كافي خل ننسى الجراح

كافي رحمة لوالديك الله لا يرضى عليك

بعد مالك غرض بيه وبعد مالي غرض بيك

قصيدة “مو عدل”

مو ميت عدل وإكبالي أشوفك دوم

وأتأمل رحيم الغيبتك رجعة

ما صدّك غفل يا بويا عنّي تروح

مستعجل تريد فراكنا بسرعة

كدّامي القلم كلّ ساعة أشمّن بيه

بلكي علقلم نيشان من صعبة

وشكد ذكريات مخلي عالورق

وحجايات حلوة أبالي متجمعة

نقرى بدفترك حد ما تطيح عيون

والبوم الصور نشتاق ونطلعه

عيني عالدرب من ربعك إيردون

أكولن بلكي أشوفن جاي ويا ربعه

ويطول انتظاري أو وكفتي عالباب

عين أتاني تبقى وعين بالدّمعة

شريد أنسى يمّا منيلّي النّسيان

هو الجرف ينسه الماي ويودعه

يا بويا العراقية تسولف بيك

لمّن تذكر اسمك كلبي اتكطّعه

تبقى عيوني تربي مكابل الشاشات

بلكت صورتك لو صوتك تسمعه

ظلمة ليل صارت دنيتي بلياك

يلحاروك حياتك للوطن شمعة

إنت وكل شهيد والطاح وفّه الكاع

يا سيف العراق أو مهرته ودرعه

اقنع روحي يمكن لو كلت أنساك

بس كلبي الدّفنته ويّاك شيقنعه